Людміла Міхайлаўна Яроцкая (у дзявоцтве Кукса) нарадзілася 22 сакавіка 1961 г. у в. Смаляніца Пружанскага раёна Брэсцкай вобласці. Бацька Міхаіл Савельевіч Кукса працаваў механізатарам у калгасе «Восход», у вольны час любіў плясці з лазы кошыкі, вязаць венікі. Маці Ганна Аляксееўна многа гадоў працавала санітаркай у ФАПе, прыгожа вязала сурвэткі і карункі, добра валодала ткацкім станком і ткала дываны.